एमालेका चार मन्त्री र छ राज्यमन्त्रीद्वारा सपथ ग्रहण

काठमाडौं, ३० चैत ।
नेकपा एमालेका नवनियुक्त चार मन्त्री र ६ राज्यमन्त्रीहरुले आज पद तथा गोपनियताको सपथ ग्रहण लिएका छन् । राष्ट्रपति भवन शीतल निवासमा आयोजित एक कार्यक्रममा प्रधानमन्त्री झलनाथ खनालले नवनियुक्त मन्त्रीहरुलाई पद तथा गोपनियताको सपथ ग्रहण गराउनु भएको हो । 
सपथग्रहण गर्ने मन्त्रीहरुमा स्थानिय बिकासमन्त्री उर्मिला अर्याल, िसंचाई मन्त्री रघुवीर महासेठ, वन तथा भू-संरक्षणमन्त्री भानुभक्त जोशी र सामान्य प्रशासन मन्त्री युवराज कार्की रहेका छन् ।  सोमबार अज्ञात समुहको खुकुरी प्रहारमा घाईते भएका उर्जा मन्त्री गोकर्ण बिष्ट भने सपथ ग्रहण समारोहमा उपस्थित थिएनन् । त्यसैगरी एमालेका नवनियुक्त राज्यमन्त्रीलाई प्रधानमन्त्री खनालले आजै  िसंह दरबार स्थित राष्ट्रिय योजना आयोगको हलमा आजै पद तथा गोपनियताको सपथ ग्रहण गराउनु भयो ।
सपथ ग्रहण गर्ने राज्यमन्त्रीहरुमा स्थानिय विकास राज्यमन्त्री शत्रुघन महतो, िसंचाई राज्यमन्त्री दलबहादुर सुनार, उर्जा राज्यमन्त्री रामजी शर्मा, सामान्यप्रशासन राज्यमन्त्री डम्बर सम्बाहम्फे, बन तथा भू-संरक्षण राज्यमन्त्री भगवती चौधरी, अर्थ राज्यमन्त्री डा ल्हारक्यार लामा रहेका छन् ।
आफुलाई शिक्षा राज्यमन्त्री पदमा नियुक्ति गरेर अपमान गरेको भन्दै नेकपा एमालेकी पुरानी महिला नेतृ तथा सभासद  राधा ज्ञवालीले  राज्यमन्त्री पद अस्वीकार गरेकी छन् । आफु भन्दा कनिष्ट नेतालाई पुर्णमन्त्रीमा नियुक्ति गरेर आफुलाई राज्यमन्त्री बनाएको भन्दै पार्टी हैसियतमा उनले सो पद अस्वीकार गरेकि हुन् एक श्रोतले बतायो  ।