मुस्ताङ इको म्युजियम आमाहरुलाई हस्तान्तरण

चन्द्र्श्वर बस्ताकोटी
मुस्ताङ, ३ बैशाख
मुस्ताङलाई चिनाउने मार्फा गाबिस पुथाङ एयरपोर्ट नजिकै रहेको मुस्ताङ इको म्युजियम सनिबार एक कार्यक्रमका बिच पुथाङका आमाहरुलाई हस्तान्तरण गरिएको छ । १ बर्ष अगाडी पुथाङका आमा बहुउदद्ेस्यि सहकारी सस्थालाई परिक्षणकालको रुपमा ब्यबस्थापन जिम्मा दिइएको इको म्युजियम थप ५ बर्षका लागि पुर्णकालीन ब्यबस्थापन हस्तान्तरण गरिएको हो ।

मुस्ताङ इको म्युजियम ब्यबस्थापन समिति अन्र्तगत रहि अन्नपुर्ण संरक्षण क्षेत्र आयोजना इलाका संरक्षण कार्यालय जोमसोमले ब्यबस्थापन गदै आएको म्युजियमलाई स्थानिय स्तरमा हस्तान्तरण गर्ने निति अनुरुप पुर्णकालीन हस्तान्तरण गरिएको हो । मुस्ताङको यर्थाथता झल्काउने जिल्लाकै एक मात्र म्युजियम सभाषद चन्द्र बहादुर गुरुङ, राष्टिय प्रकृति संरक्षणका सदस्य सचिब जुद्ध गुरुङ र अन्नपुर्ण संरक्षण क्षेत्र आयोजनाका निर्देशक लालबहादुर गुरुङले सम्युक्त रुपमा पुथाङका आमाहरु द्धारा सचांलित पुथाङआमा बहुउद्देश्यीय सहकारी सस्थाकी अध्यक्ष मोहनकुमारी शेरचनलाई हस्तान्तरण गरेका हुन ।
सन १९९२ मा एक्याप जापान ट्रष्ट च्याप्टरले स्थापना गरेको मुस्ताङ इको म्युनियम सन १९९७ देखि अन्नपुर्ण संरक्षण क्षेत्र आयोजना इलाका संरक्षण कार्यालय जोमसोमले ब्यबस्थापन गदै आएको थियो । म्युजियमले मुस्ताङको सस्कृति झल्काउने भेषभुषा, चलन, पुराना सामाग्री, मुस्ताङमा पाइने जडिबुटि, पशुपक्षि, जनाबर, अन्नबाली लगायत आर्कषक गुम्वा, बस्तिको प्रष्ट झल्को दिन्छ । कोषमा रहने गरि गत बर्ष २० लाख र पुर्णकालीन हस्तान्तरण पछि २० लाख गरि ४० लाखको अक्षयकोष राखिएको राष्ट्रिय प्रकृति संरक्षण कोष अन्नपुर्ण संरक्षण क्षेत्र आयोजनाका निर्देशक लालबहादुर गुरुङले जानकारी दिए । पुथाङको सामुदायीक भबनमा हस्तान्तरण कार्यक्रमको अध्यक्षता मुस्ताङ इको म्युजियम ब्यबस्थापन समितिका अध्यक्ष भक्ति हिराचनले गरेका थिए ।