एमाओबादीद्वारा डिएसपी र एमाले बिरुद्ध नाराबाजी

‍‍‍‍‍अगन्धर तिवारी

म्याग्दी, २३  चैत

एकिकृत नेकपा माओबादी म्याग्दीले आइतबार दिउँसो म्याग्दीका प्रहरी नायव उपरिक्षक नवराज भट्ट र नेकपा एमाले बिरुद्ध नारबाजी गरेको छ ।
एकिकृत माओबादीले हालै र्सार्वजनिक गरेको जनस्वयंसेवक दस्तालाई जिल्लामा पहिलोपटक र्सार्वजनिक गर्दै उसले बाबियाचौर गाविसमा केहि समय अगाडी घटेको घटनाको विषयलाई लिएर डिएसपी भट्ट र एमालेबिरुद्ध नाराबाजी गरेको हो ।
भ्रस्ट डिएसपी मुर्दावाद, डिएसपी नवराज भट्ट र एमालेबिचको अपवित्र साँठगाँठ मुर्दाबाद, जिल्ला सचिव लालु किसान र राजु रञ्तिजामाथि लगाएको झुट्टो मुद्धा खारेज गर लगायतका नारा लगाउँदै माओबादीका केन्दीय सदस्य बाबुराम नेपाली, सभाषदद्वय गोबिन्द पौडेल र गमबहादुर श्रीष सहित जिल्ला नेता तथा कार्यकर्ताहरूले बेनीबजार परिक्रमा गरेका थिए ।
बजार परिक्रमापछि जनस्वंसेवक दस्ता र्सार्वजनिक गर्दै उक्त दस्ता परिचालन समितिका केन्द्रीय सदस्य ध्रुव घिमिरेले वाइसियल र जवस्वयंसेवक दस्ताका बिचमा कुनै भिन्नता नरहेकोले कसैले आसंका नगर्न अनुरोध गरेका थिए ।