बागलुङ कालिका मन्दिरमा दर्शनार्थीहरु अहिले सम्मकै उच्च

दिलिप पौडेल
बागलुङ २८, चैत्र
चैत्राष्टमीको अवसरमा पश्चिमाञ्चलकै धार्मिक तथा पर्यटकीय क्षेत्र बागलुङमा रहेको कालिका भगवती मन्दिरमा बिहानैदेखि भक्तजनहरुको भिड लागेको छ । मन्दिरमा देविभागवत, कालिका पुराणलगायतका स्तोत्र पाठ भइरहेको छ । देशका विभिन्न ठाउँबाट मनोकामना पूरा गर्न बागलुङ कालिका मन्दिरमा पूजा गर्न आउने दर्शनार्थीहरुको संख्या अहिलेसम्मकै उच्च रहेको मन्दिर व्यवस्थापन समितिले जानकारी दिएको छ । कालिका मन्दिरको दर्शनका लागि बागलुङ, पर्वत, म्याग्दी, गुल्मी, कास्की, स्याङ्जा, बुटवल, इलाम लगायत देशका विभिन्न भाग साथै भारतबाट समेत दर्शनार्थीहरु आएका छन् । यसैबिच चैतेदशैको अवसरमा बागलुङमा आयोजना गरिएको चैत्राष्टमी मेलाको आज दोश्रो दिन करिव ३० हजार दर्शकले मेलाको अवलोकन गरेको आयोजकले दाबि गरेको छ । मेलाको अवसरमा आयोजना गरिएको कालिगण्डकी नदिमा ¥याफ्टिङमा पनि आन्तरिक पर्यटकहरुको ओइरो लागेको बागलुङ युथ गु्रपले जनाएको छ । मेलामा दोहोरी गित प्रतियोगीता लगायतका अन्य सास्कृतिक कार्यक्रमहरु पनि राखिएको छ । मेलाकै अवसरमा राखिएको रमाइलो मेलाले समेत दर्शकहरु ओइरिएका छन ।