अंचलस्तरिय बालचित्रकला प्रदर्शनी मुस्तांगमा हुने

चन्द्रश्वर बस्ताकोटी
मुस्ताङ, ३० बैसाख
मुस्ताङमा बृहत् कवि गोष्ठि तथा अंचलस्तरिय बालचित्रकला प्रदर्शनी हुने भएको छ । नेपाली गद्यकविता धारका सर्वाधिक लोकप्रिय कवि स्व. भूपि शेरचनको २२ औं स्मृति दिवसको अवसर पारेर मुस्ताङमा बृहत् कवि गोष्ठि तथा अंचलस्तरिय बालचित्रकला प्रदर्शनी हुने भएको हो ।
भूपि स्मृति थाक पुस्तकालय मुस्ताङको समन्वयमा संचालन र ऋतुरंङ्ग फाउण्डेशन नेपालको प्रवद्र्धन गरिने उक्त प्रदर्शनीमा धौलागिरि अंचलका चारै जिल्लाका विद्यालयका वालवालीकाहरुले भाग लिने आयोजकले जनाएको छ ।
जेठ १ मुस्ताङको कोवाङमा बृहत कबि गोष्ठी र २ गते जोमजोममा अंचलस्तरिय बालचित्रकला प्रदर्शनी संचालन गरिने बताइएको छ । उक्त प्रदर्शनीमा अञ्चल भरका २ सय भन्दा बढी बिद्यालयको सहभागिता रहने फाउण्डेशनका आरके अदिप्त गिरिले वताए । शान्ति र सबिधानका बिषयमा बिद्यार्थीहरुले चित्र बनाउनु पर्ने छ ।
प्रतियोगिताका लागि चित्र बुझाउनुपर्ने अन्तीम मिति पर्वतका लागि यहि बैशाख २८ गते, बागलुङ र म्याग्दीका लागि २९ गते र मुस्ताङका लागि ३० गते विहान ११ बजे सम्मका लागि कायम गरिएको कार्यक्रम संयोजक शुशिल थकालीले जानकारी दिए ।

प्रर्दशनी शान्ति र संविधान विषयमा भएको हुँदा अंचलभरका जुनसुकै विद्यालयले पनि सहभागिता जनाउन सक्ने आयोजकले जनाएको छ । चित्रकलाको लागि प्रत्येक सहभागिले कम्तीमा एफोर तथा बढीमा त्यसको डवल साईजमा जुनसुकै रङको प्रयोग गर्न सकिने कार्यक्रम संयोजक  थकालीले वताए ।