रक्षामन्त्री पौडेलले मुस्ताङका बिभिन्न स्थानको अवलोकना

मुस्ताङ,२७  बैशाख

रक्षा मन्त्रि बिष्णु पौडेलले सोमवार मुस्ताङ जिल्लाका अधिकास भुभागको अवलोकन भ्रमण गर्नु भयो । मुस्ताङको सदरमुकाम जोमसोम एयरपोर्ट हुदै लोमान्थाङ पुगेर अन्नपुर्ण संरक्षण क्षेत्र आयोजना इलाका संरक्षण कार्यालय लोमान्थाङको सिएमसि भवनको उदधाटन गर्नु भएको मुस्ताङका प्रमुख जिल्ला अधिकारी योगेन्द्र राज पाण्डेले जानकारी दिनु भयो ।
लोमन्थाङमा स्थानिय बासिन्दासग केहि समय कुराकानी गरि पवित्र तिर्थस्थल मुक्तिनाथको दर्शन रक्षा मन्त्रि पौडेलले गर्नु भएको थियो । धर्मपत्नि सहित आउनुभएका मन्त्रि पौडेलले पबित्र श्राद्ध स्थल कागबेनी समेत पुगेर जोमसोम उच्च सिखर शिक्षालय जोमसोममा नेपाली सेनाले प्रशिक्षण दिने गरेको रक क्लाइम्बिङको अवलोकन गर्नु भयो । नेपाली सेनाको उच्च सिखर शिक्षालय कैसाङजाने मुख्य कार्यक्रम रहेपनि बढि हावा लागेका कारण त्यस तर्फ जान सक्नु भएन । मुस्ताङ जिल्लाको सिमाबर्ति गाबिस म्याग्दी जिल्लाको दाना, नारच्याङ र भुरुङ तातोपानी गाविसमा, सोमबारदेखि शुरु हुने रुप्से, तातोपानी, अन्नपूर्ण पर्यटन महोत्सव उद्घाटन कार्यक्रमका लागि आउनु भएका मन्त्रि पौडेल साढे २ वजे त्यस तर्फ लाग्नु भएको थियो