मुस्ताङको सदरमुकाम स्थित एयरपोर्ट पुथाङमा पानीको हाहाकार

चन्द्रश्वर बस्ताकोटी
जोमसोम १८, बैसाख
मुस्ताङको मार्फा गाविस स्थित पुथाङ एयरर्पोट क्षेत्रमा पछिल्लो समय खानेपानीको हाहाकार भएको छ । थोरै मात्रामा भएपनि आउने गरेको खानेपानी बिगत १० दिन यता पुर्ण रुपमा बन्द भएपछि पानीको हाहाकार भएको हो  ।

मार्फा गाविसको स्याङ तल्लो सताङफु भन्ने ठाउँबाट ल्याइएको खानेपानीको मुहान र पाईपमा चुना जमेकाले खानेपानीको समस्या भएको होटल म्याजेष्टीका सञ्चालक खगेन्द्र तुलाचनले जानकारी दिए । मुहानमा समेत पर्याप्त मात्रामा खानेपानी नभएकाले र मर्मत समेत हुन नसक्दा समस्या उत्पन्न भएका हो । अन्य प्रयोजनका लागि समेत एक थोपा पानी छैन तुलाचनले बताए ।

पुथाङ एयरपोर्टमा रहेका करिब ४० भन्दा बढि सुबिधा सम्पन्न होटलहरुले पानीको अभाबमा पर्यटकहरुलाई यथेष्ट सुबिधा दिन नसकिएको बताउदै बताएका छन । आफ्नो होटलमा ३० जना भन्दा बढि पर्यटक राख्न सकिने भए पनि पानीको अभाब पछि ४ जना भन्दा बढि पर्यटक नराख्ने गरेको कृषु गेष्ट हाउसकी शुसिला गौचनले बताइन । होटल ब्यवसायी, स्थानिय बासीन्दाहरु, बिभिन्न कार्यालयका कर्मचारीहरुले खानेपानीका लागि मार्फा गाउँ, मार्फाको स्याङ खोला, जोमसोम गाबिसमा रहेको घट्टेकुलो लगायतका क्षेत्रमा कोही टेक्टर लिएर, कोही मोटर साइकल त कोहीले पिठ्युमा बोकेर पानी ल्याउने गरेको छन् ।  खानेपानीको अभावले मुस्ताङ आउने आन्तरिक एव बाह्य पर्यटक समेत समस्यामा परेका छन् ।

ग्रामीण पुन स्थापना तथा पुन उत्थान आयोजनाले करिब ६० लाखको लगानीमा धौलागिरी हिमालको फेदी मार्फा गाबिस स्याङगाउको उपल्लो सताङफुबाट पुथाङ एयरपोटमा खानेपानी ल्याउन नया योजना निमाणधिन अवश्थामा रहेकोे छ । तर हिउको मात्रा घट्यो भने त्याहा समेत पानी कमहुन सक्ने र पुथाङबासी पानीको समस्यामा पर्न सक्ने पुथाङका स्थानिय बासिन्दा कृष्ण गौचनले बताउनु भयो । उक्त योजना यसै बर्ष भित्र सम्पन्न हुने बताइएको छ ।  पानीकै अभावका कारण लोमन्थाङको ााा र सुर्खाङ गाबिसको ध्येगाउँ बिस्थापित हुने अवश्थामा पुगेका छन ।