बिटिएस बन्द हुँदा म्याग्दी र केही मुस्ताङका सेवाग्राही मर्कामा

चन्द्रश्वर बस्ताकोटी
मुस्ताङ ७ जेठ ।
मुस्ताङका छिमेकी गाबिसहरु म्याग्दीको तातोपानी, दाना र नारच्याङ गाबिस र लेते गाबिसको केहि तल्लो भागका सर्वसाधारण भुरुङ तातोपानीमा रहेको मोवाईल फोनको बिटिएस बन्द हुँदा मर्कामा परेका छन् ।
नेपाल टेलीकमले स्थापना गरेको प्रिपेड र पोस्पेड मोवाईलको बिटिएर टावर विद्युत आपूतीमा भएको अनियमितताका कारणले बन्द भएपछि सर्वसाधारण मर्कामा परेका हुन ।
साथमा मोवाईल भएपनि बिटिएस बन्द हुँदा कुराकानी गर्न नपाएको स्थानीयबासी आत्मा तुलाचनले बताए । विद्युत आपूर्तिमा भएको गडबढीले टावरका सामाग्रीमा क्षत्ती पुगेपछि बिटिएस एक महिनादेखि बन्द अवस्थामा छ ।
भुरुङ तातोपानी, दाना, नारच्याङ गाविसका साथै मुस्ताङको केहिभागका करिब ५ हजार मोवाईल उपभोक्ता बिटिएस बन्द हुँदा मर्कामा परेको तुलाचनले बताए । नेपाल टेलीकम म्याग्दी शाखाका ईश्वरी आचार्यका अनुसार हाई भोल्टेज विद्युतका कारण बिटिएसका उपकरणमा क्षत्ती पुगेको  हो ।१ सय ५ भोल्ट विद्युत आवश्यक पर्ने बिटिएसमा १ सय ४५ भोल्टेजको विद्युत आपूर्ती हुँदा अधिकांश उपकरणमा क्षती पुगेको टेलीकमले जनाएको छ । मर्मत सुरु गरेको जानकारी दिँदै धेरै उपकरण मर्मत र परिवर्तन गर्नुपर्ने भएकाले केही समय लाग्ने आचार्यले जानकारी दिए । हाई भोल्टेज विद्युत आपूती हुँदा घरमा रहेका फ्रिज, टीभि, राईस कुकर जस्ता सामानमा क्षत्ती पुगेको भएपनि सम्बन्धित निकायले वेवास्ता गरेको स्थानीयबासीले बताएका छन् ।