अन्नपुर्ण संरक्षण क्षेत्र आयोजनाको २४ औ बार्षिक उत्सव

चन्द्रश्वर बस्ताकोटी
मुस्ताङ,१५ गते
नेपालका प्राकृतिक स्रोतसाधनको संरक्षणमा सवैको समान सहभागिता हुनुपर्नेमा आइतबार उपल्लो मुस्ताङको लोमान्थाङमा आयोजना गरिएको कार्यक्रममा सहभागिले बताएका छन् ।
राष्ट्रिय प्राकृतिक संरक्षण कोष अन्नपुर्ण संरक्षण क्षेत्र आयोजनाले आइतबार २४ औ बार्षिक उत्सव मनाएको छ ।
अन्नपुर्ण संरक्षण क्षेत्र आयोजना इलाका संरक्षण कार्यालय लोेमान्थाङले बार्षिक उत्सवको अवसरमा आयोजना गरेको कार्यक्रममा बोल्ने बक्ताहरूले विकास र संरक्षणका कार्यक्रमहरूलाई दिगोपना दिन सक्नुपर्नेमा जोड दिएका थिए ।

कार्यक्रममा जलबायु परिर्वतनका कारण आर्थिक,सामाजिक,सांस्कृति र बातावरणीय क्षेत्रमा असर पु¥याएकाले अनुकुलनका कार्यक्रमहरूलाई प्रभावकारी बनाउनुपर्नेमा समेत जोड दिइएको थियो ।

एक्काप लोमान्थाङ कार्यालय परिसरमा आयोजना गरिएको कार्यक्रमको उद्घाटन लोमान्थाङका गाउँ मुखिया तान्टुक विष्टले गनुभएको थियो ।
कार्यक्रममा अन्नपुर्ण क्षेत्रको संरक्षण गर्न महत्वपुर्ण भुमिका खेलेको भन्दै एक्यापका पर्यटन अधिकृत नरेन्द्र लामालाई सम्मान गरिएको थियो । बार्षिक उत्सवमा विविध सांस्कृतिक कार्यक्रम समेत आयोजना गरिएको थियो ।
कार्यक्रममा संरक्षण क्षेत्र ब्यवस्थापन समितिका अध्यक्ष इन्द्रधारा विष्ट, अन्नपुर्ण संरक्षण क्षेत्र आयोजना इलाका संरक्षण कार्यालय लामान्थाङका प्रमुख निरन्जन ढुगांना लगायत विभिन्न संघसंस्था,राजनैतिक दलका प्रतिनिधिहरूको समेत सहभागिता रहेको थियो ।बार्षिक उत्वसको अवसरमा तिन दिनसम्म विविध कार्यक्रमहरू संचालन हुने पर्यटन सहायक मधुप्रसाद बरालले जानकारी दिनुभयो ।