सामाजिक उत्तरदायीत्व वहनगर्न मुस्ताङमा निशुल्क स्वास्थ्य शिबिर हुदै

चन्द्रश्वर बस्ताकोटी
मुस्ताङ २७, जेष्ठ

बित्तिय सेवाका साथै सामाजिक उत्तर दायीत्व बहन गर्न फेवा फाइनान्सले मुस्ताङमा निशुल्क स्वास्थ्य शिबिर सचालन गर्ने भएको छ ।

आफ्नो आठौ बार्षिक उत्सबको अवसरमा फाइनान्सले जेष्ठ २९ गते आइतबार कागबेनीको समाज घरमा र ३० गते सोमबार मार्फा गाबिस पुथाङको सामुदायीक भवनमा सिबिर सचालन गर्न लागेको हो । बिरामीलाई सिबिरमा उपचारका साथै औषधी समेत निशुल्क दिइने फेवा फाइनान्स केन्द्रिय कार्यालय पोखराका नायब महाप्रवन्धक तारानाथ लम्सालले जानकारि दिनु भयो ।

नाक, कान, घाटी र प्रसुति रोगका बिरामीहरुलाई सिबिरमा बिशेषज्ञ अनुभबि वरिष्ठ चिकित्सकबाट उपचार गराइने बताइएको छ । नाक, कान, घाटीका बिशेषज्ञ अनुभबि वरिष्ठ चिकित्सक डा अनुपराज आचार्य र प्रसुति रोगकी बिशेषज्ञ अनुभबि वरिष्ठ चिकित्सक डा अनु शेरचन बिरामीको उपचार गर्न आउने  नायब महाप्रवन्धक  लम्सालले बताउनु भयो ।

जिल्ला अस्पताल मुस्ताङको स्विकृति लिएर सचालन गर्न लागिएको सिबिरका लागि चाहिने प्राबिधिक जनशक्ति अस्पतालले उपलब्ध गराउने फेवा फाइनान्स जोमसोम शाखाका प्रवन्धक नरेन्द्र थकालीले बताउनु भयो ।
सिविर सचालनको तयारी समेत पुरा भएको बताउदै बैकिङ कारोवार मात्र नभई सामाजिक सेवामा पनि फाइनान्सले कार्य गर्दैआएको जोमसोम शाखाका प्रवन्धक थकालीले बताउनु भयो ।

फेवा फाइनान्सका अध्यक्ष शुशिल गौचन, नायब महाप्रवन्धक, तारानाथ लम्साल, चिकित्सक टोली सहित  उपचारमा प्रयोग हुने सामाग्री, औषधी सोमबार मुस्ताङ आइपुग्ने बताइएको छ ।