गाउँ गाउँमा शान्ति र सबिधानका लागि जनसांस्कृतिक अभियान शुरु

चन्द्रश्वर बस्ताकोटी

मुस्ताङ , जेष्ठ ३१,

हिमाली जिल्ला मुस्ताङमा समयमै शान्ति र संविधान निमार्णका लागि सास्कृतिक अभियान शुरु भएको छ ।सबिधानसभाको म्याद पटक पटक थप्दा पनि अन्योलको स्थिति सृजना भएकोले चुनु सिल्पा सास्कृतिक परिवारले १ महिने अभियान मुस्ताङ लगायत अन्य जिल्लामा पनि थालेको हो । करिब २५ जना कलाकार सहितको टोलीले मुस्ताङको घाँसाबाट मंगलबार अभियान शुरु गरेको हो ।सास्कृतिक अभियानमा शान्ति र सबिधान सम्वन्धि चेतनामुलक कार्यक्रमहरु प्रस्तुत गरिने बताइएको छ । एनेकपा माओवादी मुस्ताङका जिल्ला इन्चार्ज कृष्ण प्रसाद पराजुली परिवर्तनले  समयमै सबिधान बनाउन, सम्मानजनक सेना समायोजन गर्न र शान्ति ब्यबस्थापन गर्न स्थानिय स्तरबाट राज्यलाई दवाव दिने उद्देश्य सहित अभियान शुरु भएको जानकारी दिनु भयो ।अभियानका क्रममा प्रत्येक गाउँमा संगठन विस्तार, बर्तमान राष्टिय राजनीतिक परिस्थितीको बारेका जनतालाई सुसुचित गराउन र जनसचेतना जगाउन कार्यक्रम गरिएको इन्चार्ज परिवर्तनले बताउनु भयो । अभियान घाँसा, कुञ्जो, लेते, कोवाङ, टुकुचे मार्फा, जोमसोम, कागबेनी मुक्तिनाथ, झोङ, छुसाङ, चराङ, घमि, लोमान्थाङ, सुर्खाङ, छोण्हुप र छोसेर गाबिसका सबै गाउमा पुगेर गरिने बताइएको छ । अभियानको क्रममा तमुवानको चुनु शिल्पा जनसांस्कृतिक परिवारका कलाकारहरुले नाचगान, नाटक, चुडका, स्थानिय भाषाका सांस्कृतिक कार्यक्रम, ब्यङग्यात्मक प्रहशन लगायत प्रर्दशन गर्ने छन । सिहलो दिनको कार्यक्रममा स्थानिय बासिन्दाको अत्यधिक सहभागिता भएको कलाकार गोबिन्द कडेलले बताउनु भयो । एक महिने अभियानमा एनेकपा माओवादीका मुस्ताङ जिल्ला इन्चार्ज क. कृृष्णप्रसाद पराजुली परिवर्तन, जिल्ला सेक्रेटरी गायत्रि दुरा कुसुम लगाएतका पार्टीका कार्यकर्ता समेत सहभागी हुनेछन ।