उपल्लो मुस्ताङमा निशुल्क होस्टेल

चन्द्रश्वर बस्ताकोटी मुस्ताङ, ३ असार
उपल्लो मुस्ताङको छोसेर गाविसमा रहेको दिब्यदिप माध्यामिक विद्यालयमा निशुल्क होस्टेलको ब्यवस्था गरिएको छ ।
उपल्लो मुस्ताङको एक मात्र माविस्तरिय विद्यालयमा विद्यार्थी बढाउन सुरु गरिएको होस्टेल  अभियानबाट अहिले ७० विद्यार्थी बढेको विद्यालयका प्रध्यानध्याक हरिबहादुर केसीले बताउनुभयो ।
विद्यार्थीहरू लामा शिक्षा तर्फ आर्कषित हुन थालेपछि विद्यालयले सुविधामा बृद्धि गर्नु परेको विद्यालयले जनाएको छ । विद्यालयमा चिनियाँ सहयोगमा समेत भवन निर्माण गरिएको छ ।
उपल्लो मुस्ताङका ७ गाविसबाट अध्यायन गर्न आउने विद्यार्थीको सुविधाका लागि सुरु गरिएको अभियानबाट अहिले संख्यामा केही बृद्धि भएको प्रअ केसीले बताउनुभयो । विद्यालयमा २ सय ७१ विद्यार्थी रहेका छन् ।
जाडो समयमा विद्यालय सञ्चालनमा कठिनाई हुने भएपछि पोखरामा घुम्टी विद्यालय सञ्चालन गर्ने गरिएको छ । आवासीय सुविधाको अभावमा उपल्लो मुस्ताङका सवैजसो विद्यालयमा निकै न्युन संख्यामा विद्यार्थी रहेका छन् ।